< < < ... página 4
skucha bo klientenan atentamente pa asina bo keda mehorá bo mes kontinuamente .
Personalisá bo produkto- i servisionan pa yuda bo klientenan sobrepasá nan retonan i / òf satisfasé nan nesesidatnan ku e fin pa e nrikesé nan eksperiensia komo kliente .
Un aserkamentu kaminda e kliente ta sentral , no solamente mester ta un meta ; e mester ta un promesa .
6 . Ekspandé bo ‘ netwerk ’ di hende ‘ Networking ’ ta mas ku simplemente interkambiá ‘ business cards ’. Kultivá relashonnan balioso ku por yuda bo ku bo empresa .
Trata na asistí na eventonan relatá na bo industria i trata na hiba kombèrsashonnan ku ta enrikesé bo .
Hasi uso di plataformanan riba medionan sosial pa
bo konektá , diskutí i interkambiá ku profeshonalnan riba bo área di interes .
Si bo ta interesá pa bo presensia ‘ online ’ krese , krea kontenido di bo negoshi òf area di ekspertisio ku ta atraé i kapta atenshon di klientenan potensial .
Buska guia di personanan eksperensiá ku por ofresé bo ‘ feedback ’ balioso .
Partisipá na workshop i seminarionan , no solamente pa promové bo mes , pero pa krea i kultivá relashonnan .
Edishon # 3 di 2024
Sentoo - Un método di pago inovativo Un desaroyo positivo ku nos komo Banko ta kompartí ku nos klientenan ta e método di pago ku nos komersiantenan chikí i mediano por hasi uso di dje for di desèmbèr 2023 ku ta Sentoo .
Ku esaki klientenan awor por hasi kompra riba bo wèpshòp i paga na florin via e app di MCB Mobile Banking òf via Online Banking di MCB òf di nan banko .
Tambe komo empresario , lo bo por manda bo faktura pa bo klientenan ku un QR code i / òf un lenk .
Ku djis un klek riba e kònòpi , e ta dirigí kliente na e MCB Mobile Banking app òf Online Banking di MCB òf di nan banko ku tur informashon kompletá kaba .
Tur informashon nesesario di pago ta yená na un manera kumbiniente adelantá , loke ta fasilitá e proseso sin eror .
Pa klientenan komersial di MCB , Sentoo ta ofresé un solushon simplifiká pa nan risibí pago direktamente riba nan kuenta bankario .
Nos tim ta konsistí di : Julissa Daal - Manager Small Business Banking ; Angelo Ludowika - Account Manager Small Business ; Ilaysha Barry - Account Manager Small Business ; Nicole Winklaar -Account Manager Small Business ; Sharetti Troeman - Account Manager Small Business ; Wieke Provence - Account Manager Small Business .
Pa mas informashon tokante kualke aspekto di bo negoshi òf fiansa , por fabor tuma kontakto ku nos tim dinámiko di Small Business Banking na e-mail sbb @ mcb-bank . com òf na number di telefon 466-1280 òf bishitá nos wèpsait www . mcb-bank . com .
5
Esaki ta marka komienso di un era di transakshonnan ku ta bai lihé i outomatisá , loke ta mehorá i akselerá prosesamentu di pago di faktura i rekonsiliashon ku atministrashon di e empresario enormemente .
Bo por konta ku nos guia i konseho Komo e departamentu di empresa chikí i mediano ( MCB Small Business Banking ) nos ta sinti ku ta nos responsabilidat pa sigui stimulá , eduká i konsehá nos empresarionan den e área finansiero .
Nos ta bo konsehero personal pa yuda bo bira un empresario ainda mas eksitoso .
T / a nos enfoke pa yuda empresarionan eksistente hiba nan negoshi na un siguiente nivel i asistí empresarionan nobo pa kuminsá nan negoshi .
MCB tin un kompromiso ku nos komunidat pa sigui stimulá e sektor di Empresa Chikí .