Serka BSC tur hende i kompania por bin pa bateria di manera : 1 . Outo , SUV i Trùk 2 . Boto 3 . Motosaikel 4 . Deep Cycle / Solar 5 . UPS / ekipo di emergensia 6 . Artefaktonan pa usa di kas ( AA , AAA , etc ) Pero el a bisa ku nan ta ofresé tambe tur kompania di energia solar e kabelnan pa e ‘ set-up ’ kompleto .

Den kombinashon ku esei nan ta ofresé solushon pa tur aplikashon ku mester di un sistema di UPS .

Resiklá bateria E empresa di BSC tambe a bai den direkshon di tene kuenta ku medio ambiente , esta den direkshon di bèrdè .

Señor Saigo a splika ku , mirando ku nan a ekspandé hopi den e área , BSC a disidí huntu

ku Greenforce Curaçao pa kuminsá kolektá bateria bieu pa resiklá .

For di 2014 nan a logra resiklá mas ku 2500 tòn di bateria bieu . Nan mishon ta pa redusí daño na palunan di mangel ( mangroves ), kontaminashon di awa i agotamentu di nos tera .

Konsekuentemente , e tim di BSC lo sigui ekspandé den área di resiklahe pa mehorá e kondishonnan ambiental na nos bunita isla .

Di mal eksperensia pa propio negoshi Alex Saigo a konta di e nesesidat pa a kuminsá ku su mes negoshi . Na 2014 , huntu ku su tata , e tabatin un eksperensia desagradabel ora di kumpra un bateria pa nan outo .

Mirando e preis haltu , falta di garantia , di servisio i di konosementu , nan a

kuminsá hasi estudio di e merkado . No a pasa muchu tempu ku nan a tuma e riesgo i introdusí un produkto nobo riba merkado .

Personalmente , Alex Castillo Saigo tin hopi apresio pa nos naturalesa i e influensia ku nan akshonnan por afektá medio ambiente .

Mirando ku nan ta den un industria ku por usa mas kompromiso di negoshinan pa resiklá , nan a tuma e delantero i kuminsá hasi esei . Dies aña despues nan a logra resiklá mas ku 2500 tòn ( 2,5 mion kilo !!)

Kon logra éksito Teniendo na kuenta e éksito ku Battery Solutions Caribbean , Alex Castillo Saigo ta kompartí su eksperensia i duna alabes loke e ta konsiderá e Tep di Oro pa otro empresarionan ku ke logra éksito tambe . E ta

kere den dedikashon , perseveransia , ambishon i un un sonrisa grandi . Ku esaki el a splika lo siguiente :

- Dedikashon pa bo hasi bo estudio di e merkado i e nesesidat pa bo produkto .

- Perseveransia pa lanta tur mainta i mehorá pa hasi / dirigí negoshi .

- Ambishon pa krese un kompania eksitoso ku tin responsabilidat di trese solushon pa e konsumidó .

- Sonrisa grandi na bo kara sabiendo ku nada bon i bunita ta bini fásil

- Lanta para ora bo kai i mustra bo dedikashon pa sòru ku bo perseveransia lo materialisá bo ambishonnan .

Konosé tur aspekto fiskal Riba e punto di kiko e

empresario tin di tene kuenta kuné ora e lanta un negoshi , Alex a bisa pa hasi bo deklarashon di impuesto na ora . E ta kere den aspekto legal i fiskal envolví den bo negoshi i e industria ku bo ta aden .

Ta sumamente importante pa tene un bon atministrashon ku por duna e empresario un bon bista riba su balansa .

Sabiendo bo derechinan i konosiendo e fasilidatnan fiskal ku Kòrsou ta ofresé , ta sumamente importante pa e salú finansiero di bo kompania . I mas ku tur kos : “ Hasi bo aangifte / deklarashon di impuesto na ora ”.

Alex Castillo Saigo Direktor general Battery Solutions Caribbean 668 7281