Maduro & Curiel ’ s Bank su departamentu di Small Business Banking ta enfoká riba empresanan mediano i chikí . Aparte di ofresé diferente tipo di fasilidat di krédito manera : fiansa , limit i garantía di banko , tambe ta stimulá , eduká i konsehá nos empresarionan .

Den nos trabou diario nos ta enkontrá diferente tipo di empresario mediano i chikí ku ta apliká diferente fórmula pa logra éksito .

Komo tal , den e artíkulo aki nos lo duna algun tep na empresarionan mediano i chikí komo nos granito pa yuda nan pa bira mas eksitoso .

Komo un ñapa , nos ta para ketu tambe riba un método di pago nobo i inovativo ku nos empresarionan por benefisiá for di dje . Tep pa bo ta un empresario eksitoso

1 . Tin pashon pa bo trabou Un empresario eksitoso mayoria bes ta mobilisá pa pashon . Esaki ta yud ’ é pasa i surpasá retonan i ta ‘ fuel ’ su kompromiso ku su trabou i empresa .

Pashon no solamente ta un emoshon ; e ta un antorcha ku ta yuda bo den e proseso di tuma desishon i akshon .

Pashon ta konvertí oranan largu di trabou den labor di amor , opstákulonan ta kombertí den oportunidat . Semper buska e chispa ku ta sende bo entusiasmo i laga esaki guia bo riba e ruta empresarial .

2 . Traha un bon plan di negoshi Un bon plan di negoshi ta e base pa kombertí soño di un empresario den realidat . Kuminsá pa definí bo metanan , determiná ken ta bo klientenan i kiko ta e

diferensia entre bo empresa , produkto ( nan ) i servisio ( nan ) i di otronan .

Repartí bo plan den stapnan chikí i realisabel , establesé un eskala di tempu realístiko i metanan ku bo por midi .

Sondea bo merkado pa bo komprondé bo industria i bo kompetidornan .

Desaroyá un plan di merkadeo stratégiko pa bo yega i atraé kliente efektivamente . Proyekshon finansiero ta wes ’ i lomba di bo plan di negoshi .

Un bon plan di negoshi no solamente ta yuda bo manehá bo negoshi , pero tambe por lanta interes di invershonista i / òf partnernan .

3 . Komprondé finansas di bo empresa Ta importante pa un empresario komprondé

‘ cash flow ’ di su empresa . Kosto i / òf gastunan no por surpasá entrada di e negoshi .

Interpretashon di informe finansiero ( jaarrekening ) ta importante pa asina bo vigilá progreso di bo negoshi . Na momentu ku bo ta konfrontá ku reto finansiero , ta importante pa analisá e motibu ( nan ) tras di e retonan menshoná i tambe rekonosé e pèrdidanan .

Bo ta siña di kontratiempo tambe . Komprondementu di finansas ta permití bo manehá bo negoshi mihó dor di fasilitá desishonnan informá .

4 . Keda eduká bo mes Semper keda kurioso pa sigui siña . Empresarionan eksitoso ta personanan ku kontinuamente ta keda siña kos nobo pa yuda enfrentá kambio .

Keda al tanto di tur e tendensianan den bo industria , kambionan riba merkado , i teknologianan emergente pa asina bo desishonnan tin un bon base .

Djòin webinars i konektá ku profeshonalnan eksperensiá . Awendia tin hopi opshon ‘ online ’ ku ta brinda plataformanan edukativo virtual , flèksibel i aksesibel pa tur empresario .

5 . Mantené enfoke riba bo klientenan Un empresa eksitoso ta krese ora semper e ta poniendo su klientenan sentral . Komprondé nesesidat , preferensia i preokupashon di bo klientenan ta forma e fundeshi pa un aserkamentu kaminda e kliente ta sentral .

Buska ‘ feedback ’ i

página 5 ... >>>