AdminPerfect ta un negoshi ku ta duna klientenan e servisio di sòru pa nan atministrashon ta al dia . Hubert Martha , direktor general di AdminPerfect , ta splika ku nan ta spesialisá den traha kuenta anual . Loke nan a ripará ta ku klientenan ta traha kuenta anual solamente ora nan tin di hasi ’ é pa impuesto òf si banko eksihí esaki . Sinembargo , segun señor Martha , e kos mas importante ta pa bo tin bo atministrashon na òrdu . Esaki ta sòru pa e empresario por sa tur momentu kon e situashon di su empresa ta . Ta hustamente esei ta loke AdminPerfect ta boga p ’ e serka su klientenan . Señor Martha ta kere ku ta masha importante , maske un pa dos minüt pa dia , pa atendé ku atministrashon pa wak si tur kos ta pagá òf pa paga nan .

Akseso na dato E eksperensia ku nan tin den e trabou ta ku tin empresario ta sòru pa nan atministrashon i otronan no ta hasi ’ é .

Den kaso di AdminPerfect nan tin enkargo , por ehèmpel , pa kaba un kliente su atministrashon for di 2015 te awor .

Ta trata aki di atministrashon di 9 aña ku e komersiante ta atras kuné . E fasilidat serka AdminPerfect ta ku nan ta djis pidi e kliente pa e tin su bònnan i nan tin e sistema ku ta skèn i hinka nan den e sistema .

Nan ta traha ku e sistema di tal forma , ku despues e kliente mes tin akseso na su datonan na tur momentu , miéntras ku no tin mester di ni warda e bònnan bieu mas .

Atministrashon al dia E trabounan serka AdminPerfect ta hopi , den sentido ku atministrashon pa hopi kliente ta haña sentido ora nan tin di hasi ’ é pa banko òf impuesto .

Pero otro ora , nan no ta hasi ’ é i ora e empresario hañ ’ é den pèrtá , e ta sintá ku un retraso den trabou pa atendé . P ’ esei señor Martha ta kere ku ta bon pa empresarionan ku ta habriendo nan empresa pone atenshon for di kuminsamentu na nan atministrashon . E ta yuda hopi pa asina e empresario por mira kiko e ke , den kiko e ke gana sèn .

Esei ta kaminda nan ta kuminsá , hinka e gastunan den e kategoria ku nan mester ta i ora mester saka un resultado , e ta bai sin problema .

Disiplina di atministrashon Pa hasi lantamentu di negoshi mas fásil i lihé , señor Martha a menshoná ku nan tin un ‘ checklist ’ di tur loke mester .

Hubert Martha - AdminPrefect

Pa hopi di esei Kámara di Komèrsio ta e órgano ku tin e informashon di kiko mester pa lanta negoshi . Esei ta loke mester usa komo liña di maneho pa sea si ta habri un NV , BV , etc .

Ta keda na e empresario kua di e formatonan ei e ta skohe , pero loke ta masha importante ta pa hasi e papeleo kompleto .

Registrá na Kámara di Komèrsio , buska number di CRIB i lant ’ é a base di un modelo i esei ta e plan ku e empresario tin di traha . Tambe práktika e disiplina pa tur dia hasi algu di atministrashon .

E tres P-nan Señor Martha a pone énfasis riba e 3 P-nan na momentu di hasi negoshi . Ta trata di Profit , People i Planet . Pa tur ku ke lanta nan empresa , ta bon pa tene kuenta ku e tres komponentenan ei ta bon ankrá den otro .

Ta importante den negoshi tene kuenta ku bo medio ambiente . Si bo koba un buraku aki , sòru pa ser ’ é bèk ; atendé ku bo hendenan no solamente ora di paga salario , pero eduká nan .

Riba e punto aki el a bisa ku si bo eduká e trahadó bon i e bai traha otro kaminda , no ta nada pasobra bo a eduká un hende mas pa komunidat .

Tur negoshi ta lanta pa gana plaka , pero ta importante pa sa ku esei no ta tur kos si no tene kuenta ku medio ambiente i e hende .

Diseñá un plan Pa loke ta e tep di oro pa un empresario òf futuro empresario , Hubert Martha a bisa a pone énfasis riba kuminsá un negoshi ku un plan . Papel tin pasenshi , pero sin p

lan bo no sa unda bo ta bai . Si bo no tin eksperensia den esei , nan di AdminPerfect t ’ ei pa yuda den diseñá un plan .

Señor Martha a bisa ku ántes tabata traha ‘ business plan ’ di mas di 100 página , pero awendia den algun A4 bo sa tur kos .

Kuminsá un negoshi semper ku un plan , asina señor Martha a enfatisá un biaha mas .

Hubert Martha ( direktor general ) AdminPerfect Selular 724 5620