10
Edishon # 2 di 2025
Gilbert Petronilia:“ Purba semper duna bon trabou”
Best Quality Cleaning Services dediká na servisio di limpiesa serio
Teksto produsí pa: Farley I. Lourens
E hóben empresario Gilbert Petronilia, propietario di e kompania di limpiesa Best Quality Cleaning Services, a konta ku el a sigui un estudio na Hulanda na nivel di MBO na Zadkine College. E estudio ku el a sigui i gradua p’ e ta komo Electro Assistent. Despues el a sigui un estudio tambe den e ramo di logístika. Na Hulanda el a traha tambe pa kasi nuebe aña komo instruktor di‘ fitness’.
|
Na su regreso na su isla natal, Kòrsou, el a haña empleo na un hardware. El a purba akapará mas tantu eksperensia posibel na e hardware ku e pensamentu ku un dia e lo ke tin su propio kompania den e ramo ei.
Su meta tabata pa tin un hardware spesialisá den benta di produkto nesesario ora di bai realisá konstrukshon di un ke otro edifisio.
Limpiesa den konstrukshon Dado momentu el a tuma nota ku hopi biaha den proyektonan di konstrukshon no ta pone prioridat na e aspekto di limpiesa i e ora ei el a bin riba e idea pa lanta un kompania ku ta bai dediká na limpiesa.
“ Ku Best Quality Cleaning Services nos ta ofresé limpiesa, no solamente pa proyektonan di konstrukshon, pero tambe limpiesa di ofisinanan i otro instansianan. Pues, nos
|
ta brinda servisio pa tur loke ta rekerí limpiesa. Banda di esaki tambe nos ta pèrkurá pa transporte.”
Fase di ta kresiendo Gilbert Petronilia a konta ku e aña aki e tabatin basta trabou i el a tuma algun persona na trabou pa e por kumpli ku demanda.“ E oumento di demanda ta pone ku ya nos ta premirá ku pa 2025 ku hopi probabilidat nos lo tuma algun persona mas na trabou.”
Na kiko e ta referí e oumento di demanda pa servisio ku su kompania ta ofresé?“ A base di e trabou ku nos brinda, nos klientenan ta rekomendá nos na otro personanan den nan ret di kontakto.
Tambe nos ta produsí flyer ku nos ta parti dirigí na sierto proyekto òf bario. Alabes nos ta post flyer riba nos páginanan di Instagram i Facebook.
Tambe nos ta hasi propaganda via
|
|
|
Gilbert Petronilia- Best Quality Cleaning Services
otro kanalnan di komunikashon. Banda di e rekomendashonnan di boka pa boka, merkadeo ta hopi importante pa potensial klientenan sa ku bo t’ ei.”
Rekomendashonnan Ki konseho mas e por duna na empresarionan ku tin pensá di kuminsá un negoshi i pa esnan ku tin negoshi kaba, pero ku kier‘ scale up’?“ Na e último grupo aki mi ke bisa ku mester purba semper na sigui desaroyo di merkadonan i traha riba inovashon i diferensiashon. mi rekomendá pa buska informashon, pero no keda den duda. Ami ta bisa ku tur kos den bida tin rísiko mará n’ e.
Si bo no ke tuma e rísiko, bo ta keda kana ku un kos ku bo kier a hasi, pero pa motibu di duda, no a hasi. Esaki lo keda molestiá bo
despues. Si bo tin un soño, bo no por keda drumi kuné. Ta yega un momentu ku bo mester bisa, mi ta bai p’ e. Loke abo mester pensa fuerte riba dje ta kon bo empresa lo diferensiá di otronan ku ya ta moviendo den e ramo ku abo ke bai ofresé servisio i / òf produkto.
Den tur kos den bida lo bai tin kompetidor. Lo tin momentunan di reto, pero bo mester perseverá. Kisas ku adaptashon, pero mester sigui.
Lo topa tambe hopi hende ku lo trata na demotivá bo, pero bo no mester laga esaki tuma lugá. Kere den bo mes, bo idea di negoshi i keda di focus.”
Best Quality Cleaning Services E-mail: g. petronilia @ gmail. com Página riba ret sosial( IG i FB) BQCS Telefon: 683-7565
Na e personanan ku ta kana ku e idea pa kuminsá un negoshi lo