“ Mi kier a bai mi pais” Esteban Spijker, konosí tambe komo Nito, a habri na 2019 e empresa di tatú Jan Thiel Ink. El kuminsá komo empresario na 2015 na Hulanda, pero semper e kier a bin kas bèk. El a pensa unda pa establesé un empresa ku por benefisiá di dje komo empresario, pero e grupo ku nan ta konsentrá riba dje tambe i el a resultá na Jan Thiel. Semper el a bisa ku si e habri un negoshi na Korsou, e ke pa e ta na un lugá turístiko, pasobra e no ta dependé solamente di hende lokal. Esteban ta pensa ku si e ta dependé di hende lokal so, e ta hasi e negoshi un tiki mas difísil pa por sigurá ku e negoshi lo traha optimalmente.

Mester di hopi pèrmit E tabatin eksperensia kaba komo empresario na Hulanda, pero aki na Kòrsou tabata un poko difísil p’ e pa e reglanan èkstra ku tin aki. Esei tambe tabata un poko difísil, pasobra nan ta traha ku artista ku no ta plania hopi delantá pa bin traha den bo negoshi. Ta un mensahe bo tin chèns di haña kaminda e artista ta bisa ku e ta bin Kòrsou i si e por bin prek pa dos siman serka bo. Sinembargo, na Kòrsou mester di masha hopi pèrmit, manera di trabou i di estadia i esei ta hasi e trabou kasi imposibel, pasobra e no ta un empresa grandi. Esaki na su turno, segun Esteban, por pone ku e empresario por bai traha riba un tereno poko gris i hasta‘ zwart’, pasobra e persona no mag traha ya ku ta turista e ta. Esaki ta loke e ta trahando riba dje ainda pa mira kon

Esteban Spijker- Jan Thiel Ink

por yega na un ke otro palabrashon pa asina nan di Jan Thiel Ink por trese artista grandi. Na Kòrsou mes ta difísil pa haña artista, pasobra tur tin nan shòp kaba i pa bai guia un persona pa bira un artista no ta asina fásil, e ta tuma 3 pa 4 aña i na momentu ku nan ta bon riba e tereno, nan ta bai laga bo tambe. Esei, segun Esteban, ta hasi’ é difísil p’ e, kompará ku na Europa.

E diferensia di Europa i Kòrsou Europa ta muchu mas avansá den e reglanan pa trese un artista. Einan ta djis nan ta informá di e KvK di e artista ku ta bin hasi tatuahe i di e pais ku e ta bin, i e artista mes ta paga impuesto den su pais. Esei ta loke Esteban ta konsentrá riba dje, esta trese e

artista den su negoshi pa traha i e di su parti ta hasi e merkadeo i promoshona loke e tin. Na Kòrsou, sinembargo, ta difísil pa e merkadeá un persona siendo e no tin pèrmit di trabou. Pero ta difísil i ta dura hopi largu i kostoso pa keda kla ku un pèrmit di trabou, djis pa e persona bin traha dos siman. Te ku dos aña pasá Esteban tabata traha ku lokal so. E mes a guia algun hóben, pero nan kier a sigui eksplorá i nan a bai i e ta keda ku un problema di falta di trahadó. E problema ta bòltu e ora ei, pasobra e tin kliente, pero e no tin trahadó.

Desafionan komo empresario E desafio grandi ku Esteban ta konfrontá ta ku e mes ta artista i e mes ta empresario. E mes tin di pinta, hasi e

trabou i alabes manehá, atendé e partinan finansiero i hopi biaha hende ta supestimá e trabou ei. E empresario no ta e parti leuk si wak e trabou so, pero e ta nifiká tambe ku na final di dia mester konta e bònnan, mester bai akountent, mester paga impuesto. Esteban a siña hopi, pero esei ta dor di dal pia aki i aya pa e sigui padilanti. Esei ta algu ku e hubentut en partikular, ku ke kuminsá un negoshi, tin di tene kuenta kuné.

No tin klaridat den reglanan E inklaridat na Kòrsou pa un negoshante ta hopi difísil. Na Hulanda ta un kaminda ta djis yama òf mail i bo tin tur informashon, pero aki na Kòrsou bo ta keda bai di un bentana pa otro i hasta sin keda kla. Na dado momentu nan a bai un ofisina di akountent pa hasi tur kos pa nan i tuma konseho tambe. Esteban ta konta ku dado momentu el a haña un but di 30 mil florin di impuesto pa paga. El a spanta, pasobra el a kumpli ku tur kos. Ora el a bai wak tabata, pasobra su empresa ta un BV i e mester tin trahadó i esei e no tin. El a splika ku su empresa no ta unu ku ta traha ku trahadó, pero ta hür espasio pa traha den su negoshi. Despues di bai bin tres aña largu el a logra baha e but, pero el a kost’ é hopi mas tantu tempu i sèn pa a hasi esei. Esteban ta konsiente ku el a skohe pa bin Kòrsou, pero meskos e por sera aki i bai Hulanda bèk pa sigui ku su negoshi. Pero el a disidí ku e ta na su pais i komo tal ta invirtiendo hopi den dje pa keda.

Promové Kòrsou Pa Esteban na Kòrsou bo mester tin kontakto pa bo asuntunan kana, sino bo no ta keda kla. Den su kaso el a konosé un persona komo kliente ku el a tribi na puntr’ é algu i asina e por a kuminsá kana. Esteban ta haña hopi difísil ku e mester tin kontakto pa su negoshi kana. E ta haña ku e kosnan mester por kana mihó i banda di esei konsiderando ku su negoshi tambe ta atraé hende pa e isla; e ta promové Kòrsou. E tin kliente ku ke pone un tatú di Kòrsou i esei ta algu grandi ora e turista bai bèk ku e tatú di Kòrsou. Ta un promoshon grandi pa e isla i p’ esei mester krea e fasilidatnan i klaridat pa e empresario. Si tin klaridat tur kos lo kana mas lihé i mihó. Tene kuenta ku e empresa ku ta atraé i ta promové nos isla.

Konseho pa empresarionan Komo konseho na empresarionan den futuro Esteban ta bisa pa kana e kaminda di krus e mes pa asina bo tin klaridat komo empresa. Tambe tin klaridat kua entidat bo ta bai lanta sea BV òf empresa propio òf NV, pero ta bon konsehá. Den su kaso el a bisa di ta kontentu di por a bin Kòrsou bèk, Hulanda no ta su kultura, pero na final e ke hasi hende felis, e ta gusta arte i bida no ta dje largu ei. El a invertí hopi pa e djis lebumai i e tin di sigui padilanti.

Esteban Spijker( Nito) Jan Thiel Ink