|
E hóben abogado Bernice Rollings di Rollings Legal and Consultancy a nase i lanta na Hulanda. Pa loke ta su estudio por informá ku e tin dos‘ master degree’; unu den‘ arbeidsrecht’ i unu den‘ commercial law’ ku spesialisashon den‘ Maritime and Transport Law’. Na 2010 el a kuminsá traha na‘ Gerechtshof’ na Den Haag, kaminda e tabata okupá prinsipalmente ku asuntunan ku tin di aber ku‘ handelsrecht’ i‘ familierecht’.
Eksperensia akapará i inisio di propio empresa Na 2015 el a bin Kòrsou pa studia e merkado na nos isla komo ku, manera el a bisa, e merkado di trabou den su ramo na Hulanda no tabata masha alentador. Na Kòrsou el a logra haña empleo na un ofisina di abogasia spesialisá den‘ maritiem recht’ i‘ contractenrecht’.
Despues di algun tempu el a bai traha pa e ofisina di abogado Triple A, i mas despues el a traha tambe algun tempu den sektor públiko. Na mei 2022 el a tuma e desishon pa lanta su propio ofisina di abogasia.
No opstante e echo ku nèt mundu a sali for di e pandemia, el a pone pa su mes ku e ta bai purba maske ta pa un aña riba su mes.“ E tabata un reto, i hasta
|
na sierto momento no fásil, mi mester bisa. Mi tabata risibí algun enkargo a base di rekomendashonnan di mi ret di amistat i kolega.”
Trayekto di‘ coaching’ Riba e pregunta kiko mas e tabata hasi pa hasi su kompania konosí, banda di e rekomendashonnan menshoná, e hóben abogado a kontestá ku pa‘ branding’ i merkadeo di su empresa e ta hasi uso di Facebook, Instagram i LinkedIn.“ Mi por menshoná alabes ku mi a sigui un trayekto di‘ coaching’ intenso pa sa mas tokante maneho di un empresa. Tabata un trayekto intenso ku a dura sinku luna. Esei mi a sigui huntu ku dies empresario mas.
Ningun di nan tabata abogado i mi a siña basta di kada un di nan a base di retonan ku nan ta enfrentá den nan ramo di trabou i kon nan a atendé ku esakinan. E eksperensia i kontaktonan ku mi a risibí durante e trayekto tabata unu hopi ámplio.”
Nesesidatnan di merkado Pa loke ta e aspekto kiko el a hasi pa diferensiá e servisio ku e ta ofresé for di otro kantornan di abogasia el a kontestá:“ Durante añanan den mi empleonan promé ku mi a kuminsá riba mi mes, mi a realisá ku tabatin
|
Bernice Rollings- Rollings Legal & Cobsultancy
un nesesidat grandi pa asesoramentu riba asuntunan sivil. E ora ei mi a bai enfoká ku mi empresa mas tantu riba‘ erfrecht’,‘ familie recht’,‘ letselschade’ i‘ contractenrecht’. E merkado na Kòrsou konosé hopi kaso di aksidente di tráfiko i tambe repartishon di biennan. Mi a bai enfoká riba e áreanan ei.”
Digitalisashon Banda di esei señora Rollings a informá ku e ta purba semper di tin un kontakto hopi personal ku su klientenan.“ Loke mi ta
enfoká riba dje tambe ta pa nos komunikashon ta mas simpel posibel. Alabes nos ta enfoká na ofresé trabou di kalidat. Tambe mi a digitalisá hopi di e prosesonan den maneho di mi kompania i datonan ku klientenan mester pasa pa mi.”
Rekomendashonnan Si e lo tabata deseá na kompartí algun rekomendashon i konseho na otro empresarionan, kiko lo ta su kontesta:“ Si bo ta pensando na kuminsá un empresa nobo, ami lo konsehá pa bo‘ start’. Bo mester
|
ta konsiente ku e ta rekerí hopi sakrifisio, pero si bo tin e pashon, ami lo bisa bai p’ e. Hasi bo‘ huiswerk’, pèrkurá pa bo a spar pa bo tin un‘ buffer’. Banda di esei lo mi rekomendá tambe pa bo buska asesoramentu di un empresa ku ta asistí bo ku asuntunan atministrativo / finansiero di bo empresa.
Den mes rosea bo mester dediká atenshon na merkadeo di bo kompania i e servisio i produktonan ku bo ta ofresé. Bo mester komprondé ku bo no por hasi tur kos bo so i mester ta habrí pa konseho.
Alabes lo mi konsehá pa buska esaki serka profeshonalnan i no laga otro hende desanimá bo. Traha riba un ret di kontakto di profeshonal, no solamente den bo ramo, pero mas ámplio posibel.
Di otro koleganan empresario bo por risibí hopi informashon di nesesidat di potensial klientenan,” señora Rollings a finalisá bisando.
Bernice Rollings- Abogado / Attorney at law Chuchubiweg 17( ku sita) WhatsApp Business: 662 6586 https:// rollingslegal. com / info @ rollingslegal. com
|