Edishon # 2 di 2025

“ Nos ta dos ruman ku hopi pashon pa deporte di awa. Ademas, nos tin un deseo grandi pa brinda turista i hende lokal un eksperensia úniko i emoshonante riba awa. Esei ta e motibu ku nos a kuminsá ku e empresa aki. Alabes nos kier a duna honor na nos mama‘ Chichi’ ku a fayesé basta hóben i ku tabata ruman mayó den un famia di 14 yu. Tambe ta asina ku e nòmber‘ Chichi Jet Ski Tours’ ta unu kultural, e ta reflehá nos rais karibense i tur hende por rekonosé. Finalmente e nòmber mes ta indiká e naturalesa aventurero di nos tour nan”. Na palabra Jaimy Bulo, propietario di Chichi Jet Ski Tours.

Ola i mas ola“ Nos kompania, Chichi Jet Ski Tours, ta ofresé tour di jetski / seadoo / waterscooter ku guia na e bunita kosta di Kòrsou. Nos tin tour di diferente ruta, diferente durashon i pa tur tamaño di grupo. Asina nos ta sali for di nos base na Mari Pampoen Vissershaven bai Kokomo Beach( Vaersenbaai) òf for di Mari Pampoen bai Fuikbaai. Nos por pasa un ratu den haf te na e brùg di ponton, pero tambe nos sa bai Spaanse Water kaminda laman ta mas trankil, pasobra einan kasi no tin mester di bai kontra ola”.“ Hopi bes hende tin miedu den prinsipio i nan ta blo keda wak e laman i e olanan. Tin ta kuminsá i ke bira bèk, pero unabes nan surpasá e miedu, nan ta haña smak i ta bin bèk pa e aventura. Serka nos no ta bai pa e plaser so; seguridat ta un prioridat importante. Nos jetski, waterscooter, seadoo ta hopi stabil, nan no ta bòltu fásil i nos ta dediká hopi atenshon na nan mantenshon. Nos lema ta:‘ Aventura riba awa, seguridat promé!’”

Atenshon personal“ Loke ta hasi nos empresa úniko ta nos atenshon personal i e naturalesa privá di nos tour-nan. Kada tour ta supervisá pa un guia eksperto, ku ta garantisá un eksperiensia sigur i personalisá. Nos klientenan ta varia di turista te na residente lokal ku ta buskando un aktividat aventurero. Nos ta duna bon biní

tantu na individual ku ta hür un jetski e so, komo na grupo”.

Tim profeshonal“ Nos a kuminsá na 2018 i reakshonnan riba nos servisionan tabata hopi positivo for di komienso. Kliente ta apresiá e atenshon personal, e seguridat i e rutanan bunita ku nos ta ofresé. Nos tin un ekipo di tres empleado lokal ku ta enkargá ku guia di e tour-nan, seguridat i mantenshon di e jetski-nan”.

Kondishon di tempu“ Un di e retonan ku nos a topa ta pa garantisá seguridat i mantenshon di nos ekipo, spesialmente durante periodonan ku mas okupashon. Ademas, algun biaha nos a topa ku kondishon di tempu asina malu ku a obligá nos kanselá tour. Kontinuamente nos ta trahando pa hasi e servisio mihó ainda. P’ esei entre otro nos ta kolektá i implementá feedback di kliente”.

Proyekto pa 2025“ Pa 2025 nos ta planeá pa ekspandé nos flota i ofresé un pakete di tour nobo pa kubri e demanda ku ta kresiendo. Nos ta konsiderando tambe pa upgrade nos jetski-nan ku e teknologia mas avansá i alabes nos ke traha riba kolaborashon ku hotèl i resort lokal. Pa loke ta merkadeo nos ta hasi uso kaba di e wèpsait di Kámara di Komèrsio, Curaçao Business Point. Nos kompania ta kai bou di e kategoria‘ Turismo i Rekreashon’ i nos eksperiensia ku e wèpsait ta hopi bon. E plataforma ta duna nos oportunidat pa promové nos kompania i pa drenta den kontakto ku kliente i potensial partner pa negoshi”, asina Jaimy Bulo a terminá su storia.

Chichi Jetski Tours Persona di kontakto: Jaimy Bulo Cell / app: 5219400 Mail: info @ chichijetskitours. com Website: www. chichijetskitours. com Facebook: facebook. com / chichijetskitours Instagram: instagram. com / chichi. jetski. tours