Edishon # 3 di 2024

LIF Legal ta un konsultorio hurídiko situá na Witteweg na Seru di Otrobanda den e prestigioso monumento di Mosa Fil . E hurista Limar Francisca a funda LIF Legal na yanüari 2023 despues ku el a studia lei i a haña su preparashon profeshonal na Hulanda . Limar a kuminsá su konsultorio mientrastantu ku un karera hurídiko di mas ku 12 aña den e kadena hudisial . Den e konsultorio Limar Francisca ta duna konseho , guia , asistensia i representashon hurídiko na siudadano i empresarionan riba derecho laboral , derecho di kontrato , derecho empresarial , derecho penal , derecho atministrativo , derecho di hür di kas i derecho di herensia . Tours and Accommodation . empresarionan , Limar Francisca a bisa ku ta importante pa definí bo propósito ( drive ).

Traha un plan kòrtiku , efektivo i ehekutabel . No bai traha un plan largu i kompliká di negoshi , ku ta intimidá abo mes komo empresario . Kuminsá anto sobrá bo ta drecha na kaminda .

Limar Francisca - LIF Legal

Akseso igual ta derechonan Durante su karera , Limar Francisca a konstatá ku na nos isla tin un desigualdat notabel den akseso pa derecho .

Hopi biaha ta e hende ku moda tin akseso dor ku e por paga bon asistensia i representashon hurídiko .

Esnan sin moda ta kai atras den nos komunidat pa falta di protekshon adekuá i falta di un sistema kontrolabel ( hopi burokrasia i arbitrario ).

Por ripará tambe ku hopi hende tin keho i falta di konfiansa den nos estado di derecho sosial .

Hasi nada na esaki , no tabata un opshon pa Limar Francisca . P ’ esei el a diseñá su modelo – esta na su manera – di konsultorio hurídiko independiente kaminda no tin burokrasia ni nada arbitrario i tur hende tin akseso igual na nan derechonan .

Kuminsá i sobrá drecha na kaminda Relashoná ku su Tep di Oro pa otro

Spar pa tin presupuesto pa kuminsá Lantamentu di negoshi tin biaha ta mustra fásil , pero e ta trese su rekisitonan kuné . Espesialmente un bon planiamentu , pero tambe e parti finansiero bon reglá .

Limar Francisca ku ta hurista i ku akseso pa un i tur ta rekomendá pa spar pa un presupuesto pa komienso di e negoshi .

Ku ta 10.000 florin bo por spar i kuminsá kuné , lanta bo negoshi segun e montante ei . Si ta 5000 florin bo por duna , lant ’ é ku e 5000 florin .

No pasa e presupuesto , ni no bai forsa , ni tampoko wòri ki otro empresario tin òf ta hasi .

E enfoke di e empresario mester ta riba su negoshi . “ Duna bo mes espasio pa krese . Anto hasi hopi promoshon ! Promoshon ta atraé kliente .

E promoshon di mas lihé i efektivo ta di boka-pa-boka ”, Limar Francisca a bisa .

Limar Francisca Jurist | Legal Consultant Witteweg 42 Selular 521 7870