Edishon # 3 di 2024

Den e laman inmenso di tur sorto di instituto komersial , tantu lokal komo global , ta un lucha kontinuo tin pa e empresa generá sufisiente entrada pa por kubri tur gastu i pa sobra tambe pa garantisá eksistensia pa tempu mas largu . E no ta un tarea fásil , sigur no si tuma na kuenta ku den e kuadro aki ta papia regularmente di ‘ the survival of the fittest ’.

E ‘ fittest ’ no pa definishon ta nifiká ku esei mester ta esun mas fuerte ( na saku ) – anke esei por yuda pa basta tempu si . En efekto , loke ta mas importante pa sa ta si e empresa ta bon manehá , di un forma responsabel ku bon bista riba loke e merkado ta pidi i kon ta rospondé na esei , i alabes si e gastunan no ta surpasá e entradanan – sino ta simplemente warda pa e momento yega ku no por kumpli mas ku tur e obligashonnan i esei ta nifiká fin di e empresa , ku tur su konsekuensianan . Pero ban sali for di punto di bista ku ta teniendo tur e puntonan básiko aki na bista .

Bira empresario no ta algu pa tur hende . Kada ken ku so kos . Tin hende ta preferá di ta den servisio di otro hende , sea na un kompania privá òf na un instituto gubernamental – kontal ku nan no tin nodi wòri ku e parti atministrativo i organisatorio , ni ku tur e otro obligashonnan ku ta bini aserka .

Sinembargo , por surgi un momento , sigur si un hende tin un sierto meta spesífiko su dilanti den bida , ku e ta hañ ’ é den un situashon ku un di e opshonnan di bira empresario ta subi mesa .

E momento ei ainda e por disidí pa pens ’ é bon i deshasí di e idea tòg - ku òf sin konsultashon ku otronan ku por rekomend ’ é mihó kiko bo hasi den su situashon . Sinembargo , n ’ e momento ku e disidí di bira aktivo komo empresario , e tin un sèt di kondishon ku e mester bai tene kuenta ku nan .

Bira empresario no ta algu parotin . Tin regla i lei ku ta preskribí kiko un empresario mester tene na mente asina ku e kuminsá operá komo tal .

Hustamente pa e grupo di siudadano ku tin un plan asina , Kámara di Komèrsio ta organisá kurso , webinar i otro seshon , pero tambe na e ofisina di Pietermaai mes por yuda e debutantenan den sektor privá pa nan ta mihó prepará i ekipá pa por logra nan ophetivonan komo empresario . De paso , bankonan por lo general tambe tin sekshon ku por guia esnan ku aspirashon di bira empresario ku pasonan ku tin di tuma pa hasi esei bira realidat .

Nan tin di realisá tambe ku loke nan ta bai hasi no ta nada nobo . Hopi a bai nan dilanti . Tin ku a logra , pero tin tambe ku na kaminda a hala bèk pa ékis motibu . Wak rònt i wak kua ta esnan ku si a

logra . Lo tin den bo konosínan tambe ehèmpel di empresario ku a logra i tin un tempu respetá pa dirigí nan empresa – sino nan lo no por ta den ‘ business ’ mas . No sinti bèrgwensa pa aserká un konosí di bo den un posishon asina pa duna bo sierto konseho .

Ku esei bo no ta demostrá debilidat . Al kontrali , ta solamente si bo ta bon informá bo por pèrkurá ku bo ta debidamente al tantu di kiko ser empresario ta kome i bebe .

Den e edishon aki di Empresa Chikí un kantidat di empresario , di tur edat i gremio , ta konta di nan trayektoria di bira un empresario na nos isla .

Si e storianan ei ya ta interesante , diferente di nan a finalisá ku rekomendashonnan konkreto , ku nan a yama ‘ tep di oro ’. Nan por ta hasta kompetidor di otro , i di bo tambe , pero pa interes di sektor partikular di Kòrsou ta kumbiní pa e empresarionan alabes pa kompartí loke nan a siña den práktika pa esnan nobato sa i posiblemente evitá ku nan ta dal den e mesun trabanan .

Nos tur por yuda otro !

Kamara di Komèrsio ku website aktualisá

ta un publikashon di Kámara di Komèrsio i Industria di Kòrsou

Su meta ta pa informá i eduká empresario chikí pa e por sigui kontribuí na desaroyo ekonómiko di Kòrsou .

Redakshon : Tim di Kámara di Komèrsio huntu ku diferente kolaborador Telefon : 461-3918

Aviso : Enid van Meeteren Telefon : 736-5011 ae @ gojad . com

Imprenta :

De Stad N . V .

Kordinashon :

Intermediate N . V . Telefon : 737-1070

Tur derecho reservá Empresa Chikí Tambe riba Facebook !

Willemstad - Den e afan di Kámara di Komèrsio di Kòrsou pa duna mihó servisio den kuminsamentu nos a enkontrá algun problema tékniko ku mientrastantu ta solushoná .

Kaminda esaki a kousa inkumbiniensia pa usuarionan , nos a duna e servisio for di nos ofisina manera kustumber .

Nos ta gradisí nos klientela pa e komprenshon . Por bishitá nos website aktualisá via www . curacaochamberofcommerce . com

Pa kualke pregunta por tuma kontakto ku nos via nos whatsapp 6960885 òf mail businessinfo @ curacao-chamber . cw