Edishon # 2 di 2025

Despues di a traha hopi aña pa un empresa sakando potrèt di nan aktividatnan, Lindomar Henrietta a mira un oportunidat pa e por traha riba su mes.

Asina ESO Events a lanta. Lindomar Henrietta ta konta di su eksperensia komo empresario i kon el a desaroyá te e tin un di dos empresa ku ta LH Car Rental i por spera muchu mas di dje. E aña aki 29 di ougùstùs ESO ta kumpli 14 aña i na mart LH Car Rental a kumpli 7 aña.

Nada a bai fásil Trahando pa hende semper e kier a hasi algu p‘ e mes i p’ esei el a kuminsá ku ESO promé, sakando potrèt pa wèpsaitnan eksistente i último komo fotograf di e banda Dreams. Despues di 3 aña i mei trahando, el a habri ESO te awe.

potrèt a bira esun mas slou. Hendenan no tabata‘ durf’ bai fiesta i p’ esei p’ e tabata e momentu kua pa e sigui mantené ESO el a bin ku mirando e konosé hopi promotor, ora di fiesta el a kuminsá ku entregá karchi di fiesta te kaminda e hende ta. Awor aki e ta bende i entregá tur karch’ i fiesta. E tin 4 aña ku promoshon pa karchi fiesta tambe.

Bai p’ e Pa e empresario nobo òf esun asta eksistente, su konseho ta pa ta realístiko i bai p’ e. E tumba di Amos e aña aki di Bai P’ e ta algu ku ta na kurason di Lindomar.

E ta hinka energia awor pa su mes empresa. Lindomar Henrietta ta konta ku lantamentu di su empresa no a bai fásil, pasobra e mester a proba e klientenan dikon tin di skohe p’ e. Pero den su kaso den e 3 aña i mei komo parti di Dreams komo fotograf, tabata e oportunidat pa e pone nètwèrk mas tantu ku kompanianan.

E banda tabata toka hopi pa kompanianan i ora bo saka potrèt e hendenan ta bini bèk na bo pa saka potrèt pa nan tambe. Asina e tabata tuma nan’ business card’ i mail portrèt i asina a sigui ku evento, manera boutiso, etc. te ku el a keda krese te e aña aki e ta bai kumpli 14 aña.

Warda pa mañan Na prinsipio di lantamentu di e empresa ESO, e kos ku el a lucha kuné un tiki tabata ku na momentu ku un kompania buk pa un trabou, kisas e tin di bai riba tarifa pa hür pa ESO. E mester a wak kiko tabata e tarifanan riba kaya pa e no ta ni haltu ni abou. Ora e tabatin e tarifa di ora i a kuminsá implementá esei, ora e haña pago, e no por kaba e sèn di awe pa mañan, pero mester a traha dam warda awa.

Esei el a siña ku awor e mes por hasi manera tur kos di su empresanan. Promé ku el a kuminsá saka potrèt, e tabata traha den e departamentu di accountancy di hotèl. For di einan el a kuminsá haña eksperensia di kon anda ku sifra. El a traha e trabou ei di 2005 pa 2010. Einan el a mira

Lindomar Henrietta di ESO Events

kon ta manehá sèn, kon ta repartí e pago. Di einan el a komprondé ku te awe e mes ta hasi e atministrashon pa tur dos empresa di dje.

Tòg e tin un kantor pa algun aña kaba ku e ta manda tur faktura pa nan hasi pagonan i tambe atendé asuntunan di impuesto, ku Lindomar mes no tin tempu pa hasi.

Gastunan imprevisto Pa loke ta e gastunan di hasi negoshi na Kòrsou, pa Lindomar nan ta manehabel. Esaki, pasobra si bo haña un makutu di sèn awe, no por kab’ é pasobra algu por pasa mañan ku bo mester di sèn pa invertí pa e trabou por sigui. Esaki ta konta pa tur e dos empresanan, tantu

ESO Events komo pa e empresa di hür outo LH. Loke bo haña awe, no gast’ é mesora, pasobra tin gastu imprevisto ku semper por sali.

Pa den futuro komo empresario Lindomar a bisa ku aktualmente e ta hinkando hopi energia den e hürmentu di outo. For di despues di covid i ku frontera a habri bèk, Kòrsou a bira un pais ku mas turista ta bishitá.

No tin un dia ku e ta lanta sin petishon pa outo di hür. E ta haña kliente for di rònt mundu i p’ e aktualmente LH Car Rental ta e empresa mas produktivo p’ e.

Despues di covid turismo a bira algu duru i loke ta sakamentu di

Pasobra den su kaso si e no a bai tras di su soño, pa e dos kosnan ku e ta besig kuné, e lo no ta aki. Si bo no bai p’ e, bo no ta logra nada.

Ora el a kuminsá e mester a proba su mes i awor aki e kos a bira di tal manera ku sintá na kas su petishonnan pa negoshi ta sigui. El a hasi promoshon asina intensivo ku awor e ta mira e frutanan di esei. Awor tur kaminda e yega e hendenan ta konosé komo ESO i ni su nòmber mas. Despues di kasi 14 aña di negoshi, e por bira di no a ferwaktu ku ta asina aki. E tempu ku el a kuminsá tabatin yen wèpsait mas ku a kuminsá, pero ku awe no t’ ei mas. E si a sigui i kubriendo tur otro kaminda ku no ta Kòrsou so.

ESO Events I LH Car Rental Lindomar Henrietta Telefon: 526-0235