Edishon # 2 di 2025

For di hasi uña den balkon di kas te na su negoshi ku muchu mas ku manikür. Ta esei ta Stayceney Bernabela di Yoniverse Curacao.

Stayceney a funda Yoniverse 5 aña pasá. E motibu ku el a lanta su negoshi a kuminsá despues ku nan a konstatá un desbalansa hormonal ku e tin ku yama PCOS( Polycistic Ovary Syndrome) kaminda e tin mas hormona di hende hòmber ku di hende muhé. Hende ku e kondishon ei ta haña problema di menstruashon, problema pa sali na estado, kabei na kara i hopi karakterístika ku hende hòmber tin- esun ku e kondishon ei tambe por haña.

Stayceney no tin tur, pero su menstruashon tabata iregular i ora e hañ’ é e ta keda hopi largu. Den e búskeda pa e yuda e mes personalmente, el a ripará ku no tin muchu opshon i asta hende no sa mes ku e ta eksistí. El a pasa den hopi tentamentu ku kabei na kara, pero tambe su gordura ku hende no por a komprondé. Teniendo na kuenta ku falta e konsientisashon ei, el a kuminsá profundisá den posibel solushon.

Eduká e nashon Stayceney a kuminsá buska produktonan natural pa hende ku e kondishon aki i no sigui e kaminda di produkto di laboratorio. El a deskubrí tenan pa bebe, ritualnan di’ stoom bad’ ku yerba pa sinta ariba manera hende tabata hasi den pasado. E tabata buska e mihó manera pa kome.

El a logra baha te ainda 45 kilo den un aña. Ounke e enfoke di Yoniverse no ta pa baha peso, e ta motivá klientenan a base di su mes eksperiensia. Asina el a mira e buraku den merkado pa e yuda hende. Su ruman ta

Stayceney Bernabela- Yoniverse Curaçao sosten’ é den e negoshi i a buska te i yerbanan ku e tabata bende na kas. Stayceney a studia den rekurso humano, pero nunka el a traha e den e funshon ei, ya ku el a habri su mes negoshi.

E tabata hasi uña den balkon di su mama i einan el a traha un página i propagá su tenan ku e ta bende pa yuda ku PCOS. El a sigui amplia su produktonan yegando te na loke e tin aktualmente. Yoniverse ta para pa eduká e lokal riba tereno seksual i fertilidat i kibra e tabú.

No bende djis pa bende Negoshi a sigui krese i e no por a keda mas den balkon di su mama. E tabata hasi uña i bende produkto. Pero el a ripará ku hende muhé gusta bai un kaminda pa hasi su kosnan, i p’ esei el a bini ku pedikür,

‘ sugaring’, masashi, Yoni steaming i hopi mas. E ta traha ku un amiga ku el a duna trabou i e por bisa ku ta e mihó hasidó di‘ sugar’ na Kòrsou. Banda di e amiga e tin un trahadó mas i na total Yoniverse tin 3 trahadó aktualmente. Su produktonan no ta pa hende muhé so, pero tambe pa hende hòmber.

Komo tal el a konsentrá riba yuda hende hòmber tambe den kaso di fertilidat. Teniendo na kuenta e direkshon ku Stayceney a bai ku su negoshi el a haña importante pa e sigui kurso di Sex Counseling pa asina por informá su klientenan ora e ta ofresé sierto produkto i no bende algu djis pa bende.

Falta informashon pe empresario Pa Stayceney, e no a lucha masha pa habri su negoshi, pasobra e tabatin kliente kaba, teniendo na kuenta ku ya e tabata hasi uña na kas. Loke el a hasi ta ku el a spar pa e por a habri su negoshi. Banda di esaki su ruman ta sosten’ é den e parti finansiero i di belasting.

E ta haña den e kaso aki ku falta informashon pa e empresario di kiko e mester tin òf no. Ta ora e instansianan bin kontrolá serka dje, e ta haña sa kiko mester tin òf no. No tin un kaminda ku e por bai i wak kiko e empresa mester tin reglá. Awor ku e tin su negoshi sinku aña kaba, e por duna konseho na otronan ku aserk’ é ku e idea pa lanta nan mes negoshi.

Paga impuesto na tempu Stayceney su konseho na futuro empresarionan ta pa buska hopi informashon promé ku nan dal e paso ei. Wak tur dokumento ku mester, buska unda mester inskribí i buska un hende ku por yuda pa e parti di atministrashon i pa evitá ku por haña problema ku e negoshi.

Tambe kòrda paga impuestonan na tempu. E retonan ku e empresario ta haña ta grandi ku hopi responsabilidat. Den su kaso el a sali for di balkon di su mama i awor e tin trahadó. Tin bia e ta asta trese strès, pasobra el a sali skol i habri su negoshi. Ounke... esaki ta oblig’ é na duna e mihó di su mes.

Eksperiensia i produkto Yoniverse ta úniko. Serka nan tin produkto ku ta bende, tin algu pa fertilidat, ta hasi‘ steaming’ i ta purba di ta outéntiko den e merkadeo i ta hasi hopi uso di media sosial.

Loke nan ta bende ta un eksperiensia i e amor i dedikashon ku nan ta hasi’ é ta pone ku difísil un hende por sali di einan i bisa ku a trat’ é malu. Tin ora bo ta bai kumpra kos i ta topa ku trahadónan fadá i disgustá. E eksperiensia i produktonan ku nan ta bende ta hasi nan diferente di otronan.

Bai internashonal Su intenshon pa den futuro, ni maske kuantu e gusta loke e ta hasiendo, e ta mira su mes ku mas trahadó pa hasi uña pa e por rèk e negoshi i hib’ é mas leu. E ke habri mas filial internashonal. Tin kliente ke pa e eksportá i si e ta den eksterior ta mas fásil pa hende kumpra i tuma e servisio. Den 5 pa 10 aña e ke un Yoniverse internashonal.

Persistí den bo pashon i dedikashon Un motivashon ta haña feedback di kliente, sea bon òf ménos bon. E bon ta yena bo ku gratitut, pasobra bo sa ku bo ta riba e bon kaminda, i esnan ménos bon ta yuda bo keda skèrpi i ofresé produkto i servisio di kalidat.

Persistí den bo pashon i dedikashon. Esaki ta e forsa ku ta yuda krea e kambio den komunidat. Nunka pensa ku bo soñonan ta muchu grandi, Stayceney a terminá bisando.

Stayceney Bernabela Yoniverse Curacao yoniversecuracao @ gmail. com