Akisha Albert ta fundadó i direktor di Management by Akisha. E aña aki Management by Akisha ta kumpli su promé lustro. E empresa aki a lanta di forma spontáneo. Akisha a konta ku e simplemente kier a duna lès di modelá. El a saka un flyer pa un kurso di tres luna. El a haña hopi reakshon. Hopi mucha a inskirbí i e no tabatin ni kaminda pa pone tur. E no tabatin su mes espasio e tempu ei, pero tabata fia un lugá pa duna lès. Esaki a pon’ é riba e kaminda pa hür un sala i buska un nòmber pa por kuminsá hasi’ é mas serio. E promé lès tabata tres luna i ora e muchanan a kaba, nan no kier a stòp. Asina e mester a kuminsá buska hende pa traha, traha riba su vishon i e meta pa por a sigui.

Tur dia ta siña algu Akisha niun momentu tabatin idea di lanta un negoshi. Pero awor despues di kasi sinku aña el a bisa ku tur dia i aña e ta siña kos nobo i e ta un reto p’ e.

Na kuminsamentu di e aña aki el a evaluá kiko el a siña kada aña. Loke e por bisa ta ku bo mester ta habrí pa kambio.

Bo no por resistí kambio i mester pone bo mes kada bes pa krese.

Den su kaso, por ehèmpel, el a kuminsá duna lès na mucha chikitu, pero awor e ta duna lès na hende grandi tambe.

Nunka el a imaginá esei, pero si bo no ta habrí pa kambio, pa krese i rekonosé ki ora e ta bira konfortabel pa bo mes i ki ora ta buska retonan nobo, bo no ta yega leu.

No hasi’ é sin mas, pero hasi’ é ora bo ta

sinti bo kla pa mas reto den negoshi.

Maneho finansiero ta difísil Pa Akisha e kos mas difísil ta pa e tin un negoshi ta e maneho finansiero. Bo mester por konosé. Nunka e tabata den e área ei i nunka e tabata konos’ é.

Bo mester siña sifra i tur loke tin di paga. Akisha a bisa ku e tin hende ta hasi su atministrashon i e ta sinta konstantemente kuné.

Den kada seshon e ta siña, asina el a bisa. Nunka el a bai un kurso, pero e ta den su mente pa hasi’ é un dia si.

Ni maske kiko pasa e por sigui Akisha a habri su negoshi hustamente ora Covid a kai aden. El a konta ku pa su sorpresa, nunka el a imaginá di duna lès online di modelahe.

Esei ta un prueba ku e produkto ku bo ta duna, unda ku bo ta, tin hende ta interesá den dje i ta importante kon bon bo ta den dje.

E por bai China mes, pero si hende e ta sigui’ é, ta nifiká hopi p’ e. El a lagu’ é siña ku no ta e produkto, pero e sentimentu ku bo ta duna hende; pa e por a transmiti’ é via kámara i duna lès. Esei a konfirmá pa

Akisha Albert Direktor Management by Akisha

Akisha ku ni maske kiko pasa, e por sigui drei.

Despues di 5 aña e tin derechi di eksistensia Eduká, empoderá i enkurashá, ta loke Management by Akisha ta para p’ e.

Nan ta traha di paden bai pafó i esei ta loke ta hasi nan diferente i eksitoso ketu bai. Nan no ta siña e mucha solamente modelá, pero ta siña e mucha pa traha riba e mes, pa su outoestima ta haltu pa asina tur sobrá bin dimes. Awor, despues di kasi 5 aña, por konkluí ku su empresa tin derechi di eksistensia.

Akisha a bisa ku el a lesa un kaminda ku den e promé kuater añanan den negoshi bo no ta bira riku, pero bo ta bira bon i despues di esei bo ta sigui enfoká.

Awor, den su kaso, ta momentu di hasi negoshi di bèrdat. E ta hasi’ é di kurason, pero e tin di krese.

Legado Pa loke ta e próksimo sinku aña su dilanti, Akisha a bisa ku por spera kresementu te bai, impaktá bida di hopi hende muhé su bida den Karibe i no ta Kòrsou so. E horizonte pa eduká i mas guia pa por sigui ku e legado ku e ke krea. E ke mas mucha i esnan di ménos rekurso por haña chèns i mas guia, pasobra ta nan nos ta haña bèk den komunidat.

Ser bo mes Su sita pa empresarionan ta‘ kòrda dikon bo a kuminsá’.“ Esei ta hasi mi semper bai na loke mi ke. Kaminda e ta blòkia pa idea, e ta bai bèk kon el a kuminsá”.

Akisha Albert Management by Akisha

Manageentbyakisha @ gmail. com