Edishon # 2 di 2025

“ Sakura, it’ s a lifestyle! Esei ta nos lema. Nos no ta dirigí solamente riba e parti pafó, pero tambe nos ke motivá i stimulá un estilo di bida mas konsiente, ku atenshon pa kuminda salú i bienestar general. Ku otro palabra, nos no ta ofresé solamente moda i asesorio, pero tambe produkto ku ta yuda sostené e hende muhé i su famia pa hiba un bida saludabel. Ademas, nos ta dediká atenshon na nos kultura i ta ofresé te di yerba, scrub natural i tambe buki, planner i journals pa empoderá nos klientela”. Na palabra Ruthlisa( Ruth) van der Veen, propietaria di Sakura Lifestyle Boutique.

Selebrá bida! Ruth:” E empresa a habri su porta durante e temporada festivo di fin di aña pasá. Sakura ta nifiká Cherry Blossoms. Pues, espesialmente ora e palu di chèri ta tur na flor. E flornan aki ta simbolisá entre otro bida, bunitesa, beyesa, vitalidat, kariño i afekshon. Pero meskos ku e flor, hopi di e aspektonan aki no ta dura pa semper. E flor ta rekordá nos riba e realidat ku bida ta bunita, pero tambe frágil. P’ esei nos mester selebrá bida i disfrutá di tur momento. Malkriá nos mes i nos sernan stimá”.

Variedat amplio“ Nos ta ofresé un variedat di merkansia di moda, tantu kasual, dèftu òf pa ofisina. Tambe asesorio, regalo i artíkulo dekorativo pa kas, manera opheto di palu duradero i makutu trahá di material natural. Ademas, nos tin produkto puru i natural sin aditivo òf ingrediente dañino. Nos klientela ta e dama moderno ku gusta bisti e mes i su famia bunita, representativo i ku ke hiba un biba konsiente. E tin su propio bienestar i esun di su famia na

E yunan Ruthlisa i Valesca ta enkarga ku bestelling, atministrashon i merkadeo di Sakura.

pechu i e ambiente di su kas tambe ta bon kuidá. E ta traha duru, pero e sa di disfrutá di bida i malkriá su mes”.

Tuma kurashi“ Pa hopi aña kaba, e tempu ei bibando na Hulanda ainda, mi tabatin e gran deseo di tin un empresa di mi mes. Mi a sigui kurso e tempu ei na Hulanda pa ora mi yega Kòrsou mi hasi mi soño bira realidat. Pero unabes na aki i e tempu ei ku un famia yòn, mi a opta tòg pa traha na otro empresa. Pero e deseo a sigui krese te ku el a resultá den un pashon mas grandi ainda. Dado momentu mi a pensa ku mi mester tuma kurashi i esei a pone ku e soño a para bira

‘ now or never’! Mi tin ku bisa: e posibilidat pa ehekutá bo propio vishon, tuma desishon i usa kreatividat konstantemente pa sigui desaroyá bo servisio, ta duna mi hopi satisfakshon!”.

Reakshon di kliente Kliente ku bishitá nos butik ta haña nos merkansia bunita. Tambe e interior di e negoshi ku material natural ta sòru pa un esfera agradabel. Esaki ta pone ku e kliente ta sinti’ é na kas. Tambe klientenan ta bisa ku nan ta enkantá ku nan por kumpra diferente tipo di produkto i merkansia bou di un dak”.

Curaçao Business Point“ Mi no tabata na altura di Business Point. Mi a yama Kámara di Komèrsio pa hasi kompletamente otro pregunta i un empleado a konta mi di e posibilidatnan ku Bussines Point ta brinda.

Mesora mi a registrá nos negoshi i mi ta kontentu ku mi a hasi esaki. Nos no tin hopi tempu konosí ku Business Point, pues tin hopi pa eksplorá ainda. Pa nos e benefisio mas grandi aworakí ta ku nos por buska informashon i empresanan ku nos lo por tin mester i mira mesora kiko nan ta para p’ e. Esaki ta fasilitá nos hopi, pasobra nan a hasi e trabou pa nos kaba”.‘ Familie-bedrijf’“ Sakura Lifestyle Boutique aworakí ta un empresa chikí, un‘ familie bedrijf’ ku un tim di maneho di tres dama: ami i dos yu muhé. Huntu nos ta forma un tim dinámiko ku ta komplementá otro, pasobra kada un di nos tin su mes talento i eksperiensia. Un di mi yunan ta dediká ku e parti di social media, video editting etc. i e otro ta atendé parsialmente ku benta, atministrashon i enkargá merkansia”.

Reto“ Un reto ku nos a topa ta ku e edifisio ta bunita, pero ku di parti pafó ta difísil pa mira kiko nos tin pa ofresé. Esaki ta trese kuné ku nos mester a hasi hopi mas pa hala atenshon di e kliente. Unabes ku e kliente diskubrí kiko tur nos tin, ta mas fásil pa e regresá. Tambe nos ta tene mas kuenta awor ku e variedat di saisnan den merkansia pa por sirbi e kliente mihó. E butik den e forma ku nos a kuminsá kuné ta solamente parti di nos plan. E intenshon ta pa ekspandé nos merkansia i tambe nos servisio pa asina tin muchu mas variedat pa ofresí e kliente bou di un dak”, asina Ruth van der Veen a konta finalmente.

Sakura Lifestyle Ruthlisa van der Veen Cell / app: 6 849 849 Jan Noorduynweg 19-1 Facebook / Instagram: Sakura lifestyle